ლაივ ოლიმპიადა საქართველოში პირველი ოლიმპიადაა, რომელიც ლაივ რეჟიმში ტარდება. ის პირველად ზუსტად 2020 წლის 14 ოქტომბერს ჩატარდა და მას შემდეგ ეს პროექტი საკმაოდ დიდი პოპულარობით სარგებლობს.

აგვისტოს თვეში დავაანონსეთ ოლიმპიადის მორიგი განახლება, რაც გულისხმობს როგორც ალგორითმის, ასევე დიზაინის განახლებას. 

განახლების შედეგად, შევცვალეთ წესები:

• გამარჯვებული მონაწილის გამოვლენა სისწრაფეზე აღარ იქნება დამოკიდებული, ვინაიდან მონაწილეების ნაწილს ხშირად აქვს ინტერნეტის ცუდი დაჭერა.

• ასევე განახლდა შეფასების სისტემაც: თუ მონაწილე თავისივე ამორჩეულ პასუხს თან მოაყოლებს ახსნა-განმარტებას თუ როგორ ამოხსნა ის, მისი გამარჯვების შანსი უფრო გაიზრდება.

რაც შეეხება იმ მონაწილეებს ვინ ზედიზედ 3 ჯერ გახდება კვირის გამარჯვებული: მათთვის არ იმოქმედებს შეზღუდვები!

როგორც იცით, აქამდე ლაივ ოლიმპიადაში მხოლოდ კვირის გამარჯვებულებს ვავლენდით. 6 აგვისტოდან ჩვენს შეფასების სისტემას დაემატება სამგზის გამარჯვებულების სიაც: თუ მონაწილე 3-ჯერ მოხვედება კვირის გამარჯვებულთა სიაში, მეოთხეჯერ ის უკვე იქნება სამგზის გამარჯვებულთა სიაში.

განახლებული ლაივ ოლიმპიადები 6 აგვისტოდან 15 აგვისტომდე , ყოველ პარასკევს, შაბათს და კვირას ჩატარდება და მასში მონაწილეობის მიღება ყველას შეუძლია! ოლიმპიადაზე რეგისტრაცია საჭირო არ არის და ის სრულიად უფასოა! 

გთხოვთ გაითვალისწინოთ!

ოლიმპიადის დაწყებამდე შეამოწმეთ ინტერნეტთან კავშირი,  ვინაიდან ოლიმპიადა ლაივ რეჟიმში ტარდება საჭიროა გქონდეთ ინტერნეტთან კარგი წვდომა. ცუდი ინტერნეტის შემთხვევაში მიმართეთ პროვაიდერს!