უკვე მესამე წელია მთელი ქვეყნის მასშტაბით აქტიურად ტარდება მათემატიკის სუპერ ოლიმპიადა. აღნიშნული პროექტი ასეულობით მოსწავლეს აძლევს საშუალებას თავიანთი ცოდნა და უნარები გამოავლინონ.

20 აპრილს სუპერ ოლიმპიადის 2024 წლის გაზაფხულის სეზონი იწყება.

მონაწილეობის მიღება მე-4 დან მე-8 კლასის ჩათვლით ნებისმიერ მოსწავლეს შეუძლია.

მიმდინარე სეზონზე სიახლეები გვაქვს, როგორც ოლიმპიადის ტესტის გვერდზე, ისე დაჯილდოების კუთხით.

ტესტის გვერდი სრულად შეიცვალა. ახლა უკვე მარტივადაა შესაძლებელი ტესტის დროის და შესრულებული ამოცანების რაოდენობის გაკონტროლება.

წინა სეზონზე თუ დაფიქსირებულ პასუხს ვეღარ შეცვლიდი, ახლა უკვე შეგიძლია პასუხი შეცვალო, მანამ სანამ ღილაკს "შემდეგი" დააწკაპებ.

დაიხვეწა ოლიმპიადის გადახდის გვერდიც. ახლა უკვე შესაძლებელია პირდაპირ ვებ-გვერდიდანვე თანხის ჩარიცხვა.

რეიტინგული სია

როგორც იცით, ოლიმპიადის დასასრულს ჩვენს ვებ-გვერდზე მონაწილეების რეიტინგულ სიას ვაქვეყნებთ ხოლმე. ჩვენს ერთგულ მონაწილეებს აქაც ვთავაზობთ სიახლეებს.

წინა სეზონებზე თუ საერთო რეიტინგის მიხედვით ვლინდებოდა ტოპ-15 გამარჯვებული მოსწავლე, აღნიშნულ სეზონზე თითოეული კლასიდან გამოვლინდება ტოპ-3 გამარჯვებული, რომელიც მოწვეული იქნება დაჯილდოების ცერემონიაზე.

აღნიშნული სეზონი განსაკუთრებულია, რადგან გამარჯვებული მოსწავლეები სხვადასხვა საჩუქართან ერთად მიიღებენ მედალსაც!

თითოეული კლასში რეიტინგული სიიდან ტოპ პირველი მოსწავლე დასაჩუქრდება:

I ხარისხის დიპლომით, მედლით, ბეტა აკადემიის ვაუჩერებით და ტექნიკით.

თითოეული კლასში რეიტინგული სიიდან ტოპ მეორე მოსწავლე დასაჩუქრდება:

II ხარისხის დიპლომით, მედლით, ბეტა აკადემიის ვაუჩერებით და ტექნიკით.

თითოეული კლასში რეიტინგული სიიდან ტოპ მესამე მოსწავლე დასაჩუქრდება:

III ხარისხის დიპლომით, მედლით, ბეტა აკადემიის ვაუჩერებით და ტექნიკით.

ზოგადად კი ყველა მონაწილე, რომელიც სუპერ ოლიმპიადის ტესტს დაწერს მიიღებს ელექტრონულ სერტიფიკატს, რიმლის გადმოწერაც პროფილიდან შეეძლება.

ოლიმპიადის დაჯილდოების ცერემონიალი თბილისში გაიმართება.

გამარჯვებული მონაწილეები საჩუქრებით დიპლომებით და ბეტა აკადემიის კურსების ფასდაკლების ვაუჩერებით დასაჩუქრდებიან.

რეგისტრაცია 8 აპრილიდან იწყება.

ოლიმპიადა 20 აპრილის 09:00 საათიდან 28 აპრილის ჩათვლით 23:00 საათამდე გრძელდება. მოსწავლეს ტესტის წერა ამ დროის განმავლობაში ნებისმიერ დროს შეუძლია. 

​

ველით მოსწავლეებს სუპერ ოლიმპიადაზე და წარმატებებს ვუსურვებთ თითოეულ მონაწილეს! 🚀