იბსუში “სახალისო მათემატიკის“ ოლიმპიადის მაღალქულიანი მონაწილეების დაჯილდოვება გაიმართა. გამარჯვებულებს გადაეცათ დიპლომები და იბსუ-ს საჩუქრები.

“სახალისო მათემატიკა” არის საგანმანათლებლო პლათფორმა სკოლის მოსწავლეებისთვის. სულ რაღაც 2 წელია, რაც დავამატეთ და მას შემდეგ დიდი პოპურალობით სარგებლობს ონლაინ ოლიმპიადები. ამ ორი წლის განმავლობაში გავეცით 250 ზე მეტი დიპლომი. ამჟამად გვყავდა 15 მდე გამარჯვებული მონაწილე, რომლებსაც დაურიგდათ პრიზები, რომელიც თავადვე აარჩიეს ჩვენს ვებ-გვერდზე, დიპლომები და იბსუ-ს საჩუქრები. პანდემიის გამო სამწუხაროდ ვერ მოხერხდა ყველა გამარჯვებული მონაწილის შეკრება, თუმცა რა თქმა უნდა, ისინიც მიიღებენ კუთვნილ პრიზებს. - განაცხადა პლატფორმის დამფუძვნებელმა ნიკოლოზ ქველიძემ.

როგორც დაჯილდოვებაზე შავი ზღვის საერთაშორისო უნივერსიტეტის პრორექტორმა თეა კბილცეცხლაშვილმა აღნიშნა, იბსუ-სთვის დიდი პატივია, უმასპინძლოს მსგავს ღონისძიებებს.

„მოხარულნი ვართ და გვიხარია, რომ ეს პროექტი არის ჩვენი სტუდენტის შექმნილი და თავად სტუდენტები იღებენ მონაწილეობას ახალგაზრდა თაობის შემეცნებაში.“ – განაცხადა იბსუს პრორექტორმა.

ჩვენ კი განვაგრძობთ ვებ-გვერდის განვითარებას. სულ მალე განახლებული ფუნქციონალით, ოლიმპიადების ახალი სეზონი დაიწყება. განახლების შესახებ დეტალურ ინფორმაციას მოგვიანებით გამოვაქვეყნებთ.

ყველა მონაწილეს წარმატებებს ვუსურვებთ!