სუპერ ოლიმპაიდა უკვე მეორე წელია აქტიურად ტარდება და მთელი ქვეყნის მასშტაბით ასეულობით მოსწავლეს აძლევს საშუალებას თავიანთი ცოდნა და უნარები გამოავლინონ.

ამჯერად სუპერ ოლიმპიადის გაზაფხულის სეზონი მიმდინარეობს.

მონაწილეობის მიღება მე-3 დან მე-11 კლასამდე ნებისმიერ მოსწავლეს შეუძლია.

მიმდინარე სეზონზე სიახლეები გვაქვს, როგორც ტესტში ისე მოსწავლეების რეიტინგულ სიაში. ტესტის საკითხების რაოდენობა გაიზარდა. ვფიქრობთ, რომ აღნიშნული ფაქტი კონკურსს გამოწვევებით სავსეს და საინტერესოს გახდის მონაწილეებისთვის. ეს კიდევ უფრო დიდ შესაძლებლობას აძლევს მონაწილეებს გამოავლინონ თავიანთი მათემატიკური და პრობლემების გადაჭრის უნარები.

როგორც იცით, ოლიმპიადის დასასრულს ჩვენს ვებ-გვერდზე მონაწილეების რეიტინგულ სიას ვაქვეყნებთ ხოლმე. ჩვენს ერთგულ მონაწილეებს აქაც ვთავაზობთ სიახლეებს. შევცვალეთ და დავხვეწეთ რეიტინგის გვერდი და რაც ყველაზე მთავარია, ტოპ 15 მონაწილიდან პროგრამა თავად შეარჩევს ტოპ 3 მონაწილეს, რომლებიც პრიზებთან ერთად, I ხარისხის დიპლომით დაჯილდოვდება. დანარჩენი გამარჯვებული მონაწილეები კი მიიღებენ II და III ხარისხის დიპლომებს.

არც სხვა მონაწილეები დავტოვეთ უსაჩუქროდ. წელს ყველა ოლიმპიადის მონაწილე მიიღებს ელექტრონულ სერტიფიკატს.

ოლიმპიადის დაჯილდოების ცერემონიალი თბილისში გაიმართება.

გამარჯვებული მონაწილეები საჩუქრებით დიპლომებით და ბეტა აკადემიის კურსების ფასდაკლების ვაუჩერებით დასაჩუქრდებიან.