ნატურალური რიცხვები

ნატურალური რიცხვი — მთელი დადებითი რიცხვი (1, 2, 3, 4, ...) ან მთელი არა-უარყოფითი რიცხვია (0, 1, 2, 3, 4, ...). პირველი განსაზღვრება ნატურალური და მთელი რიცხვები. არითმეტიკული მოქმედებები. ნატურალური რიცხვები, ჩვეულებრივ, საგანთა დასათვლელად გამოიყენება. უმცირესი ნატურალური რიცხვია 1 ზრდადობის მიხედვით, ნატურალური რიცხვების ჩაწერა შეგვიძლია რიცხვთა 1, 2, 3, 4,... მიმდევრობის სახით. ეს მიმდევრობა უსასრულოა, რადგან უდიდესი ნატურალური რიცხვი არ არსებობს.

ნატურალური რიცხვები, მათი მოპირდაპირე რიცხვები (ე.ი. -1, -2, -3,...) და ნული ერთობლიობაში წარმოადგენენ მთელ რიცხვებს. მთელი რიცხვების ჩაწერაც შეგვიძლია მიმდევრობის სახით: 

... -4,-3, -2, -1, 0, 1, 2, 3,4 ... 

შეკრება:

 ორი ან რამდენიმე რიცხვის შეკრების შედეგს ეწოდება მათი ჯამი, ხოლო თვით ამ რიცხვებს შესაკრებები. მაგალითად, თუ  A+B+...+K=P მაშინ P არის ჯამი, ხოლო A, B, ..., K - შესაკრებები.

გამრავლება:

ორი ან რამოდენიმე რიცხვის ერთმანეთზე გამრავლების შედეგს ეწოდება მათი ნამრავლი ხოლო თვით ამ რიცხვებს მამრავლები ( ან თანამამრავლები ). ნებისმიერად აღებული A, B, C მთელი რიცხვებისათვის სრულდება:

• გადანაცვლებადობის თვისება  AB=BA,

• ჯუფდებადობის თვისება  (AB)C=A(BC),

• განრიგებადობის თვისება  (A+B)C=AC+BC

• განრიგებადობის თვისების შედეგად გვაქვს (A-B)C=AC-BC

გაყოფა:

A რიცხვის გაყოფა არანულოვან B რიცხვზე ნიშნავს  ისეთი Z რიცხვის მოძებნას, რომ  B x Z=A.ამ შემთხვევაში ვამბობთ, რომ A რიცხვი იყოფა A რიცხვზე. A-ს ეწოდება გასაყოფი, A-ს აგრეთვე მოვიხსენიებთ როგორც B-ს ჯერადს. B - ს ეწოდება გამყოფი. თვითონ Z რიცხვს ეწოდება A და B რიცხვების განაყოფი ანუ ფარდობა და აღინიშნება ასე A : B ან ასე A/B

გამოკლება:

 A რიცხვს გამოვაკლოთ B რიცხვი ნიშნავს მოვძებნოთ ისეთი X რიცხვი, რომ B+X=A. ამ შემთხვევაში X რიცხვს ეწოდება A და B რიცხვის სხვაობა და აღინიშნება A-B თი, A რიცხვს ეწოდება საკლები, ხოლო B - ს მაკლები

მთელი რიცხვების სხვაობა ყოველთვის მთელი რიცხვია. ნატურალური რიცხვების სხვაობა შესაძლებელია არ იყოს ნატურალური რიცხვი.