“აი ტურფა საქართველო, ანგელოზის სადარია” – ვკითხულობთ ზელანდიაში, მათემატიკის სახალისოდ შესასწავლად გამოცემულ წიგნში. როგორ მოხვდა იქ ქართული წინადადება ამის შესახებ სოციალურ ქსელში ირაკლი ქილიპა წერს: “უკვე 17 წელია, ახალ ზელანდიაში ცხოვრობენ ნუგზარ ნაჭყებია და მისი მეუღლე – მარინა ალექსანდერ დესპოტაშვილი. სხვადასხვა სკოლაში მათემატიკას ასწავლიან, ბევრ საინტერესო აქტივობაში არიან ჩართულები აქაური ბავშვებისთვის და ა.შ. მაგრამ ამ პოსტში, ყურადღება მინდა გავამახვილო, მათ მიერ გამოცემულ, მათემატიკის დამხმარე წიგნზე, რომელიც შედგენილია ადგილობრივი ლეგენდებისა და ტრადიციების საფუძველზე. წიგნი უკვე ორასამდე სკოლამ შეიძინა ახალ ზელანდიაში და აქტიურად იყენებენ მათემატიკის სახალისოდ შესწავლაში. ჩემთვის, ავტორებისთვის და ქართველებისთვის საინტერესო კი ამ წიგნში არსებული ერთი დავალებაა, რომელშიც, ბავშვებმა რაღაც ასოები უნდა გააფერადონ და თუ ყველაფერს სწორად გააკეთებენ, მიიღებენ სწორ პასუხს, მაგრამ სანამ ამ ასოების გაფერადებას დაიწყებენ, ვერცერთი ზელანდიელი ვერ გაიგებს, რომ სამშობლოზე შეყვარებულმა და მონატრებულმა ავტორებმა, ამ ასოებით წიგნში ჩასვეს ეს ტექსტი: “აი ტურფა საქართველო, ანგელოზის სადარია” – ვკითხულობთ პოსტში.