პრემიერის განცხადებით, 15 სექტემბრიდან სწავლა იწყება დისტანციურად როგორც სკოლებში, ასევე უნივერსიტეტებშიც. ამის შესახებ გიორგი გახარიამ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა. „ჩვენ ისედაც მზად გვქონდა სწავლების ჰიბრიდული ფორმა, რომელიც 15 ოქტომბრიდან ყველგან უნდა დაწყებულიყო. რასაც ახლა ვაკეთებთ, სწავლა დაიწყება დისტანციურად ყველგან, მაგრამ სასწავლო კლასებში სწავლა დაიწყება 1-ლი ოქტომბრიდან. ეს ეხება ყველა წრეს, რომელიც არ არის ღია ცის ქვეშ. ორი კვირით, ისევე როგორც ბათუმში, სასწავლო პროცესი გადაიდება პირველ ოქტომბრამდე. ოღონდ მსხვილ ქალაქებში - თბილისი, ქუთაისი, რუსთავი, გორი, ზუგდიდი და ფოთი. ამ ქალაქებში სასწავლო პროცესი - უმაღლეს სასწავლებლებსა და სკოლებში დაიწყება პირველ ოქტომბერს“, - განმარტა პრემიერ-მინისტრმა.